کوئٹہ(کامرس ڈیسک)صوبائی دارلحکومت کوئٹہ میں آٹے کی قیمتیں کم نہ ہو سکیں،مہنگائی کا طوفان تھمنے کا نام نہیں لے رہا، آئے روز اشیا کی قیمتوں میں اضافہ ہو رہا ہے،جس سے شہریو ں کو شدید مشکلات کا سامنا ہے ۔
تفصیل کے مطابق پھلوں اور سبزیوں کے بعد گزشتہ ایک ہفتے کے دوران آٹے کی قیمت میں اضافہ دیکھا جارہا ہے۔20کلو آٹے کے تھیلے کی قیمت میں 100روپے مزید اضافہ ہو گیا،20کلوآٹے کا تھیلا 2800جبکہ 50کلو کی بوری 6800روپے ہو گئی۔
