بیجنگ (نیوز ڈیسک) چین میں مقامی طور پر تیار کردہ دوسرا بڑا کروز جہاز، “اڈورا فلورا سٹی” ، شنگھائی میں باضابطہ طور پر حوالے کر دیا گیا۔
یہ پیش رفت چین کی بڑی کروز جہاز سازی کی صنعت کے لیے ایک اہم سنگِ میل ہے۔ اس کے ساتھ ہی یہ صنعت ایک جہاز کی کامیاب تیاری کے مرحلے سے آگے بڑھ کر ایسے جہازوں کی سلسلہ وار پیداوار کے نئے دور میں داخل ہو گئی ہے۔
“اڈورا فلورا سٹی” کی لمبائی 341 میٹر ہے، جو تین معیاری فٹ بال میدانوں کی مجموعی لمبائی سے بھی زیادہ ہے۔ جہاز میں 2,130 کیبنز موجود ہیں اور اس میں 5,200 سے زائد مسافروں کے ٹھہرنے کی گنجائش ہے۔ اس کی گنجائش خشکی پر قائم چھوٹے اور درمیانے درجے کے چھ فائیو اسٹار ہوٹلوں کے برابر ہے۔
