واشنگٹن(نیوز ڈیسک )عالمی مارکیٹ میں تیل کی قیمتوں میں معمولی کمی ریکارڈ کی گئی ۔ عالمی منڈی میں خام تیل کی قیمتوں میں معمولی اتار چڑھاﺅ دیکھنے میں آ رہا ہے جبکہ مختلف عالمی بینچ مارکس کے تحت قیمتیں 81 سے 106 ڈالر فی بیرل کے درمیان ٹریڈ کر رہی ہیں۔ویسٹ ٹیکساس انٹرمیڈیٹ (ڈبلیو ٹی آئی ) خام تیل کی قیمت تقریبا 81.22 سے 101.79 ڈالر فی بیرل کے درمیان ریکارڈ کی گئی جبکہ برینٹ کروڈ 105.92 سے 106.30 ڈالر فی بیرل کے قریب برقرار ہے۔
ماہرین کے مطابق حالیہ تجارتی سیشنز میں قیمتوں میں معمولی غیر یقینی صورتحال دیکھی گئی، جس کی بنیادی وجوہات عالمی سپلائی خدشات، جغرافیائی کشیدگی اور توانائی کی طلب میں تبدیلیاں ہیں۔توانائی مارکیٹ کے تجزیہ کاروں کا کہنا ہے کہ اگر عالمی سپلائی پر دبا برقرار رہا تو آنے والے ہفتوں میں خام تیل کی قیمتوں میں مزید اضافہ بھی دیکھنے کو مل سکتا ہے
