لندن(انٹرنیشنل نیوز)امریکا نے ایران جنگ میں طویل فاصلے تک مار کرنے والے میزائلوں کا پورا ذخیرہ استعمال کر لیا۔برطانوی خبر رساںادارے کی رپورٹ کے مطابق ایران جنگ میں امریکا کے جدید میزائلوں کے ذخائر بھی تیزی سے کم ہونے لگے، امریکی فوج نے آرمی ٹیکٹیکل میزائل سسٹمز اور پریسیژن سٹرائیک میزائلوں کے تمام ذخائر استعمال کر لئے۔
رپورٹ میں کہا گیا کہ امریکا ذخیرے کے تقریبا نصف ٹوماہاک کروز میزائل بھی استعمال کر چکا، بعض فوجی حکام نے صدر ٹرمپ کو دفاعی میزائلوں کے ذخائر میں کمی سے بھی آگاہ کیا ہے، امریکی فوج ضرورت پڑنے پر دنیا بھر میں موجود اپنے ذخائر سے اسلحہ منتقل کر کے کمی پوری کر رہی ہے۔
رپورٹ کے مطابق جنگ طویل ہونے کی صورت میں امریکا کو مستقبل کی فوجی حکمت عملی پر نظرثانی کرنا پڑ سکتی ہے۔وائٹ ہاﺅس نے اسلحہ ذخائر میں کمی کی خبروں کو مسترد کرتے ہوئے کہا ہے کہ امریکا کے پاس دنیا کے کسی بھی ملک سے زیادہ اسلحہ موجود ہے۔
