شیخوپورہ (کرائم رپورٹر)شیخوپورہ کے علاقے کوٹ عبد المالک میں جائیداد کے تنازع پر باپ نے فائرنگ کر کے بیٹے کو قتل اور بہو کو زخمی کر دیا۔پولیس کے مطابق واردات کے بعد ملزم نے خودکشی کی کوشش میں خود کو بھی گولی مار لی۔
تفصیلات کے مطابق جائیداد کے تنازع پر قیصر نامی زمیندار نے گھر میں فائرنگ کر کے اپنے بیٹے شہروز کو قتل اور اس کی بیوی کو زخمی کر دیا۔اطلاع ملنے پر ریسکیو اہلکاروں نے مقتول کی لاش اور دونوں زخمیوں کو اسپتال منتقل کر دیا۔پولیس کے مطابق قیصر خان نے 2 شادیاں کر رکھی تھیں اور اس کا بیٹوں سے جائیداد کا تنازع تھا۔
