مینو لہور شہر دے وچ آے ہویے تقریباً دو سال ہو گئے نے. اتھوں دے لوکی وی عجیب نے. کدی کیسے نو پنجابی بولدے ویکھ لین تے انو پینڈو تے جاہل سمجھن لگ پیندے نے. پاویں اگلا بندا کوئی ڈاکٹر ای کیو نہ ہووے. میں کسے ہور نو کیو گل کران میرے اپنے بیلی وی انج دی سوچ رکھدے نے. اونا نوں میں کداں سمجھاوان کے پنجابی ایک زبان اے کیسے دے جاہل ہوں دی نشانی نہی.

آج کل جو حالت پنجابی زبان دی ہوئی اے ادے وچ کسے ہور دا قصور نہی بلکے پنجابیاں دا اپنا قصور اے. چار جماتان پڑھ کے تے اپنے آپ نو ہواوں وچ اڈدا محسوس کردے آں تے انج پنجابی بولن والیاں نو دکھدے آں ک اسی تے جداں کدی پنجابی بولی ای نہی. جے آہی حساب ریا تے موجودہ پوت آخری ہوے گی جیهڑی پنجابی بول سکدی ہوے گی.

کچھ دن پہلے ایک پرائیویٹ سکول نے اپنے شاگرداں نو پنجابی بولن تو منع کیتا، اس لیی کے پنجابی زبان ایک گالاں والی زبان اے. تسی مینو اے دسو کے کیڑھی زبان وچ گالاں نہی نے. ہر زبان دا اپنا ورتن ہوندا اے. پنجابی نو و لوکی اپنے حساب نال ورت دے نے. اپنے نال دے ملک دے وچ رہن والے سرداراں نو ای دیکھ لوو اوہنا نے اپنی زبان نہی چھڈی تے کی اوہنا نو کی ہویا. آج بھارت دے پنجاب دیں یونیورسٹیاں دے وچ پنجابی بولی جاندی اے تے ساڈی انگریزی ای جان نہی چھڈدی.

پنجابی کوئی بری زبان نہی بلکے پنجاب دی دھرتی تے وسن والیاں دی مٹھی بولی اے. بابا بلھے شاہ تے وارث شاہ دی پنجابی زبان وچ شاعری کسے شہکار توں کٹ نہی اے. انور مسعود صاحب توں بغیر کیسے وی شغلیہ پروگرام دی رونق نہی لگدی. سوال اے وے کے کی انہاں لوکاں نے گالاں نال شاعری کیتی؟ نہی.

پنجابی زبان دی ترقی لیی انور مسعود صاحب نے پنجابی زبان وچ وکیپیڈیا د افتتاح کیتا اے. جے تسی او پڑھنا یا لکھنا چاہندے او تے اتھے کلک کرو.

آخر تے میں اپنے لوکاں نوں اے مشورہ دینا کے اپنی پنجابی زبان دا تیان رکھو نہی تے آن والے وقت وچ پنجابی زبان پاکستان وچوں مک جائے گی.


Best Smartphones of 2016 ! Palm Vein Verification Technology | A revolution in biometric technology !

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے